বিহপুৰীয়া শাখা সাহিত্য সভাৰ চমু ইতিবৃত্ত

ললিত মহন্ত,

সদস্য, লখিমপুৰ জিলা সাহিত্য সভা

​

 

                              যি সকলে নিজৰ লক্ষ্য স্থিৰ কৰি কৰ্তব্য পথ নিৰৱে আগবাঢ়ে-

                              তেওঁলোকেই সমাজ আৰু জগতৰ ভৱিষ্যত আশা ভাৰসাৰ থল -

                                                                                                                                                      ড॰ বানী কান্ত কাকতি

              

               এই কথা দোহৰা নিষ্প্ৰয়োজন যে- মানৱ জীৱনত আজন্ম ক্ষুধা নিবৃত্তিৰ বাবে যেনেকৈ খাদ্যাভাসৰ প্ৰয়োজন তেনেকৈ সু স্বাস্থ্যৰ বাবে যোগ-ব্যায়াম, ক্ৰীড়া-কৌশল, নৃত্য-গীত, ভাওনা-থিয়েটাৰ তথা নাট্য শিল্প, বাদ্যযন্ত্ৰৰ লগতে সাহিত্য-সংস্কৃতি প্ৰভৃতি সু-কুমাৰ কলা চৰ্চাও অপৰিহাৰ্য৷ ইয়েই মানসিক বুদ্ধি-বৃত্তি বা তথা কথিত বৌদ্ধিক বিকাশ আৰু প্ৰসাৰত ইন্ধন যোগোৱাৰ সমান্তৰালভাৱে এটা স্থায়ী সৃষ্টিশীল ধাৰাৰ গতি পথ নিৰ্মান কৰে৷ কৰ্মৰ প্ৰতি থকা আস্থা আৰু স্পৃহাই মানুহক প্ৰকৃত কৰ্তব্যৰ প্ৰতি সচেতন কৰে৷

               এটা সময়ত বিহপুৰীয়াৰ সমাজ জীৱনলৈও পৰিবৰ্ত্তনৰ বতাহ ব’বলৈ ধৰিলে৷ কিছু সুযোগ-সন্ধানী লোকে এই আওহতীয়া ৰাইজখনৰ প্ৰতি কোনো সৎকৰ্ম কৰাৰ আকাঙ্খাৰে সঙ্গবদ্ধ হ’ল৷ কেতিয়াবা কোনোৱে নভবা-নিঃচিন্তা কথাও বাস্তৱত ফলিয়ায়, বিহপুৰীয়া শাখা সাহিত্য সভা প্ৰতিষ্ঠাৰ বেলিকাও সেৱাৰ¸ মনোভাৱেৰে ওলাই অহা সাহিত্যিক-সাংবাদিক ধৰ্ম্মেশ্বৰ¸ কটকী দেৱৰ আছিল অহোপুৰুষাৰ্থ নজহা-নপমা স্মৃতিস্তম্ভ৷

               ১৯৫৬ চনত পোন প্ৰথমে মুষ্টিমেয় কেই গৰাকীমান সাহিত্য প্ৰেমী লোকৰ উপস্থিতিত বিহপুৰীয়া শাখা সাহিত্য সভা প্ৰতিষ্ঠা কৰা হৈছিল৷ তেতিয়া ধৰ্ম্মেশ্বৰ কটকী দেৱ আছিল লোহিত ডিক্ৰং সাহাৰ্য্যপ্ৰাপ্ত হাইস্কুলৰ সহকাৰী শিক্ষক৷

               ইতিমধ্যে পৰিস্থিতিৰ সাপেক্ষে সেই দিনাৰ সভাত বিদ্যালয়খনৰ সংস্কৃত ভাষাৰ শিক্ষক শোভন চন্দ্ৰ শৰ্মা শাস্ত্ৰী দেৱক সভাপতি আৰু ধৰ্ম্মেশ্বৰ কটকী দেৱক সম্পাদক হিচাপে লৈ মুঠ এঘাৰজনীয়া এখন তদৰ্থ সমিতি গঠন  কৰা হয়৷ পৰৱত¹ কাৰ্যকালত প্ৰাপ্ত তথ্য আৰু কাৰ্য বিৱৰণীৰ মতে সভাপতি আৰু সম্পাদক সকলৰ  নাম  উল্লেখ কৰা হ’ল৷

 

১৯৫৬ চনৰ পৰা ২০২৫ চনলৈকে সভাপতি আৰু সম্পাদক সকলৰ নাম -

                              সভাপতি                                              সম্পাদক

               প্ৰয়াত শোভন চন্দ্ৰ শাস্ত্ৰী                                     প্ৰয়াত ধৰ্মেশ্বৰ কটকী

               প্ৰয়াত সৰ্ব্বেশ্বৰ বৰুৱা                                        প্ৰয়াত ধৰ্মেশ্বৰ কটকী

               প্ৰয়াত মোহন চন্দ্ৰ ভূঞা                                      প্ৰয়াত ধৰ্মেশ্বৰ কটকী

               শ্ৰী প্ৰেমধৰ বৰা                                                  প্ৰয়াত ধৰ্মেশ্বৰ কটকী

               প্ৰয়াত কমলেশ্বৰ সাতোলা                                  শ্ৰী হেম গোস্বামী

               প্ৰয়াত কমলেশ্বৰ সাতোলা                                  প্ৰয়াত ৰবিন্দ্ৰ নাথ শৰ্মা

               শ্ৰী চন্দিকা দত্ত কোঞৰ                                     প্ৰয়াত হৰেণ চুতীয়া

               প্ৰয়াত কমলেশ্বৰ সাতোলা                                  শ্ৰী হেম গোস্বামী

               শ্ৰী ডম্বৰুধৰ নেওগ                                           ডাঃ বিপুল কুমাৰ নেওগ

               প্ৰয়াত নগেন গোস্বামী                                        ডাঃ বিপুল কুমাৰ নেওগ

               প্ৰয়াত হেম চন্দ্ৰ খাটনিয়াৰ                                 প্ৰয়াত ভবেন বৰা

               শ্ৰী চন্দিকা দত্ত কোঞৰ                                      শ্ৰী প্ৰবীণ হাজৰিকা

               প্ৰয়াত যাদৱ শৰ্মা                                               শ্ৰী প্ৰবীণ হাজৰিকা

               শ্ৰী অনিল কাকতি                                               শ্ৰী দুলাল শৰ্মা

               শ্ৰী অনিল কাকতি                                               শ্ৰী বেণুধৰ দাস

               ইয়াৰোপৰি উল্লেখ যোগ্য যে - বিহপুৰীয়া শাখা সাহিত্য সভাৰ  সম্পাদকৰ দায়িত্বত সু-দৃঢ়ভাৱে সংগঠন সক্ৰিয় কৰাৰ উপৰিও অসম সাহিত্য সভাৰ কাৰ্য্যাৱলীত দক্ষতাৰে সেৱা আগবঢ়োৱাৰ বাবে অসম সাহিত্য সভাই নিম্নলিখিত দুয়োগৰাকীলৈ বঁটা সহ স্বীকৃতি জনায়৷ তেখেত সকল হ’ল

               [১]  প্ৰয়াত ভবেন বৰা

               [২] শ্ৰী প্ৰবীণ হাজৰিকা, [বৰ্তমান লক্ষীমপুৰ জিলা সাহিত্য সভাৰ সম্পাদক আৰু

                   অসম সাহিত্য সভাৰ কাৰ্য্যনিবাহক সদস্য]

বিহপুৰীয়া শাখা সাহিত্য সভা আৰু প্ৰতিষ্ঠা কালৰ সম্পাদক ধৰ্মেশ্বৰ কটকী৷

               কটকীচাৰে মাজুলীৰ কমলাবাৰীৰ উচ্ছ প্ৰাথমিক স্তুৰৰ বিদ্যালয়ত অধ্যয়ন কৰি থকা সময়তে অগা-পিছাকৈ পিতৃ-মাতৃ দুয়োগৰাকীৰে দেহাৱসান ঘটিছিল৷ তেখেতৰ পিতৃ-মাতৃৰ নাম আছিল বাপুৰাম কটকী আৰু চেনেহী দেৱী৷ দুয়ো গৰাকীয়েই সমাজত নাম ;লা  লোক আছিল৷ কমলাবাৰী এৰি জন্মভূমি আঁহত গুৰিৰ পৰা উত্তৰ পাৰত ভৰি দিলে৷ উত্তৰ পাৰত পূৰ্বৰ চিনা পৰিচয় থকা বিহপুৰীয়াৰ আধাৰ সত্ৰৰ লোকনাথ গোস্বামী প্ৰভূ জনাৰ ঘৰত আশ্ৰয় ল’লে৷ বিহপুৰীয়াৰ লোহিত ডিক্ৰং উচ্ছ মাধ্যমিক বিদ্যালয়ত শিক্ষকতাৰ সেৱাত অৱতীৰ্ণ  হ’ল৷

               অসমীয়া ভাষা সাহিত্যৰ জগতত নিজৰ নাম খোদিত কৰা ধৰ্মেশ্বৰ কটকী দেৱে প্ৰকাশ কৰা শিশু উপযোগী কিতাপ-পত্ৰৰ লগতে গল্প, উপন্যাস আদিৰ উপৰিও ১৯৫২ চনতে এবছৰলৈ “ লখিমী” নামৰ তিনিমহীয়াকৈ প্ৰকাশিত আলোচনীৰ সম্পাদনা কৰিছিল৷ তেখেতৰ উদ্যোগত কেইবা বছৰো ধৰি “বিহু সংখ্যা” নামৰ ১২ পৃষ্ঠাৰ বাৰ্ষিক আলোচনী প্ৰকাশ কৰে৷ শেষৰ অংশত কটকী দেৱৰ  তিনিখন উপন্যাস নাম অথাৰ্লংকাৰ আশ্ৰয়লৈ প্ৰকাশ কৰা হ’ল৷

               [১] জীৱনৰ তপত বালি

               [২] জীৱনৰ ভগা ৰং ঘৰ

               [৩] দেশৰ সপোন