SILOK  ADÍSO KAPÉ

TURRADU:YEN TANIÉ

               -

NIRMOL NORO

​

 

Ayir adí kídí:sé buluk  dungkamí:péma:lang du:tíladu:n? Longépénamém Longédung,yumépénamém yumédung.édébulu kapésinéi iyot gíyotma:pé dung.Leke:logom  Longé yumé kadungai silosin édémí:pé Longé yumétìladung Mo:píso. Alodsok édé ili kídí:dém ka:yemílo Tani asin kídí:sé  kapé anguyonnagíkan?Tanié  sé mo:písok ayya:ru:né tanié.taor lédulo kapésin akammang. Tani lokké mé:la  ka:nané asinko  tani lokké dung. Taor lokké kamang. Tanié taniém ayang abomínsula asengko bimínsunan asinko dung. Leke ém tanié akoné akoném ayang abomínsula du:dunga:mílo. Silok adíso kapé katokuman. Lekem  Iskul kolejé kamangai. Pogolo ponésin sukkémpé abako  kamangai.émnai kapiyen buluké asin kídí:dé araidagai. Taniém tanikopé kangkinkamínsudagai.ojjong botta kangkindagai.ame:né kídíngé botténé Takamém ménggé tatgésudungai.botténé kídíngé ame:né Takamém ayang abodungai.lekkém akoné akoném atí agerém  gerdum ka:dum sudagai.akon írang dokké akon íra:do:pé sonson sonyonna minom dokamínsudoai.akonké ainamém akoné sabdungai.Mo:píso aso aso:pé ruwad bélamé a:la pogo lenkang.pogoé lenna pogolo poné lenkang. Pogolo pola tani kídíngé angkiném  kinkang. Pori unila aipé Ankangém  pa:sla  ai ainé migom agerém gerkang.rajniti moné kídíngé rajnitiém mola  Montri,MLA batla Dekh sém solaila gídung. Supak Ngolukké  ketpele:né agomdé okolon??? Séko kindang séko sé:kom lubiyen. éddíkoi pori uninstall lenduji odok kíddíko tani asin kídíngé  anguyonna gídung. Pori unige:la  ainé tanipé ila akon asagém kinma:né Takamém ainé agomko luyir lubola gípénamé.akoném akoné ngasodlo kadum supénamé. Silo kinné tani kídíngé akon asagé taor asin génémpé  taniém kangkin mínsuma:ném inamém anpa:dung. Takam taniém lumang. Ake tanié.asin kage:la:sin kama:némpé iné kídíngém ludung. Silo  sékkai ngasodko kadum supénamdémyang kangkinamé aba:ya:dung.amo:bari. Ma murkong  atí atí léga:pé tanié taniém simín sike mokekampé mokebomdung.aíé aísuapé agerko gernamém mé:ma:pé. Akon asaglok ainamém kangkidag. Édé kangkinam ang apí kídíngé anu adílok angkiné tanilok kapiné yelamén. Tani yelamlo édémpiné asiné katagmínsumílo.tanié tanipé sé mo:písoéddíko kapé turla du:ye.seko se:kom mé:tin lutinsuyen!!!

​

Seko sémpin agerém motum moyen.kapiné agerém germílo akon asag élang takamé ainé asin géla  ainé réngamko bomjarboyen.

Lutér so mé:dung sekkai asin ném se:kaidaggom méngkíla ka:pé lagidag.akonlok ngasodém oko ngasodéji édém mé:mila kangge:la moturnamém mé:pé lagidag.moureila:mang angkipé lagimang. Mohatma Ghandi ké lukampé- hoityor  odhay joy. Ohingkai porom dormo.