ধুমুহাৰ গতিৰে জুবিন

পুলিন দত্ত, উঃলঃ

 

ধুমুহাৰ গতিৰেই আহি

ধুমুহাৰ গতিৰেই গুছি গলা

সৃষ্টিৰাজীৰ কোবাল ধুমুহাৰে

হৃদয় জিনিলা

অত্যাধুনিকতাৰ পৰশেৰে

সংগীতৰ সোণালী যুগৰ লহৰ তুলিলা

সাংস্কৃতিক জগতখনকেই

আমূল পৰিবৰ্তন সাধিলা

লুপ্তপ্ৰায় চিত্ৰজগতখনৰ

নৱ-জোৱাৰৰ ঢৌ ৱোৱালা

থলুৱা ভাষাৰে জগত মুহিলা

 

সংগীত শিল্পীয়েই নহয় তুমি

সুদক্ষ অভিনেতা তুমি

নাট্য পৰিচালক তুমি

অসমী আইৰ উজ্বল জ্যোতিষ্ক তুমি

তোমাৰ গৌৰৱেৰে গৌৰৱান্বিত আমি

নৃত্য শিল্পীও প্ৰাণৰ আমাৰ

অসাধাৰণ প্ৰতিভা তোমাৰ

জাতি মাটি ভেটিত দখল তোমাৰ

অনুৰাগীৰ ভৰেৰে জাতিষ্কাৰ

 

আজি তুমি নোহোৱা হৈ গলা

সাগৰ তলিত শুবলৈ গুছি গলা

কোটি কোটি জনতাৰ হৃদয় আজি হাঁহাকাৰ

তুমিযে আজি নাই

খহি পৰিল ভোটা তৰা

বিৰাজিছে মহা শূণ্যতাই

অসমী আইয়ে দুচকুৰে বাট নেদেখা হৈছে

ঘৰৰ ল'ৰা আজি ঘৰত নাই

বন্তি জ্বলিব লাগিছে আজি ঘৰে ঘৰে

অলিয়ে গলিয়ে গাঁৱে ভূঞে

চহৰে নগৰে

তুমি যে প্ৰাণৰ শিল্পী

তোমাৰ বাবেই

অ'  তোমাৰ বাবেই

দুচকুৰে সাগৰ বোৱাই

 

তুমি গুছি গলা জুবিনদা

কোনোদিন উভটি নহাৰ বাটেৰে

তুমি নাভাবিবা পাহৰিম তোমাক

তুমি জিয়াই থাকিবা আমাৰ প্ৰাণত

আমাৰ তেজত

আমাৰ হৃদয়ত

উজ্জ্বল জ্যোতিষ্ক হৈ

যুগ যুগান্তৰলৈ

যুগ যুগান্তৰলৈ

জাতিৰ পৰিচয় হৈ

জাতিৰ পৰিচয় হৈ